Skip to content

Tonkin: “Ne klopodu ludi la rolon de la angla lingvo”

17.1.2010

UEA publikigis festlibron omaĝe al la 70-jariĝo de prof. Humphrey Tonkin. La ĉirkaŭ 900-paĝa libro, al kiu kontribuis cento da aŭtoroj, portas la titolon “La arto labori kune”. En Roterdamo okazis solenaĵo pro la  lanĉo de la festlibro.  Ĉi-okaze Prof. Tonkin donis intervjuon al Pola Radio, en kiu li parolis i.a. pri la celo de la organizita esperantomovado.

Tonkin konstatis, ke interesigi homojn pri esperanto ne estas malfacile. La demando estas, kiamaniere teni ilin en la t.n. movado. Multaj el tiuj homoj tamen restas aktivaj en la reto. Al li ŝajnas, ke ni devus klopodi, laŭ niaj povoj, atingi tiujn homojn iom sisteme, do informadi al ili pri tio kio okazas, proponi aferojn al ili, proponi renkontiĝojn, materialojn ktp.

“Unu el niaj celoj estas aktivigi la homojn, simple kiel utiligantojn de esperanto. La fakto ke ili ne fariĝas gvidantoj de la movado aŭ ne sisteme kontribuas al ĝi, ne estas esenca, sed ke ni kreu kaj flegu lingvokomunumon.” Laŭ Tonkin, “la esenca punkto estas krei tiun komunumon kaj samtempe, por ĝin pliampleksigi, argumenti pri la graveco de esperanto kaj la solvo kiun ĝi eventuale prezentas en pli granda kadro.”

Tonkin ne kredas, ke estas iu lingva problemo kiun oni povus “solvi” per esperanto, sed li jes opinias, ke “estas manko de efika kaj komprenema internacia komunikado kaj ke esperanto prezentas alternativan solvon aŭ alternativan vojon por tiu komunikado. Ne temas, ke ni klopodas ludi la rolon de la angla lingvo, iu tia espero jam delonge pasis, sed ke ni povas prezenti alternativon en kiu regas egaleco de komunikado. Tio estas ebla, tio laŭ mi estas esenca afero por vera monda civitaneco.”

La intervjuo estis disaŭdigita en la esperanta programo de Pola Radio la 14-an de januaro. Jen rekta ligilo al la koncerna elsendo http://www.polskieradio.pl/_files/20071205105911/2010011409405441.mp3.

Inter la multaj skribaĵoj en la menciita festlibro estas la eseo “Esperanto kaj Eŭropa Unio: ĉu miraĝo, ĉu perspektivo?” de István Ertl. Alklakinte la nomon de la eseo vi povas legi ĝin en Libera Folio. 

En la festlibra kolekto estas du finnaj kontribuaĵoj: “Lingvo – rimedo aŭ resurso?” de Jouko Lindstedt ” kaj “Plurlingvismo kaj Esperanto. Ideologia ŝanĝiĝo en la Esperanto-movado” de nia membro Jukka Pietiläinen.

Advertisements
No comments yet

Respondi

Fill in your details below or click an icon to log in:

WordPress.com Logo

You are commenting using your WordPress.com account. Log Out / Ŝanĝi )

Twitter picture

You are commenting using your Twitter account. Log Out / Ŝanĝi )

Facebook photo

You are commenting using your Facebook account. Log Out / Ŝanĝi )

Google+ photo

You are commenting using your Google+ account. Log Out / Ŝanĝi )

Connecting to %s

%d bloggers like this: